好开心抽到免费体验。估计情人节当天会好火爆,专登预约早一日,事实证明系啱嘅,偷听到个靓女讲电话,话14号晚上全部订晒了,而且系提前一个星期预约╮(﹀_﹀)╭地点其实唔难揾,就系北京路地铁站出嚟过对面马路,精品批发个路口转右就见到公馆大门,搭电梯上去就得啦。前台个靓女好nice,好快咁验证完就带我哋去无人用嘅房间参观,每间房嘅装修都唔一样,当时貌似比较多人客,只睇咗美国队长同漫威主题,最后拣咗漫威,张沙发好舒服,但系本人喜欢垫高双脚,沙发不能满足嚟个要求……又唔好意思垫上台喔……可惜无见识到传说中的“大床房”。投影尚清晰,操作简便,片源已经算唔错,肯定无可能要求同电影院同步。仲送咗两杯嘢饮同一包爆谷,爆谷系微波炉果种,味道几好,香甜~但系柠檬茶就唔得啦,明显无茶,就系甜嘅柠檬水……总体嚟讲值得一去,情侣还拖或者三五知己聚会都唔错~~睇评论话有一次性拖鞋,点解当时个靓女无话我知嘅……坐系沙发嘅时候真系有谂过如果可以换拖鞋就好啦……