【试吃/体验点评】【团购点评】地址就系果个出入境大厦附近,解放南路站落车,非常容易搵嘅!!价钱同大众化茶类饮品差唔多啦,最平5蚊就有交易啦!仲有面包类卖添!但出品就真系非常一般咯~~ 来过2次, 一次系团购, 一次系免费试食, 但感觉都系觉得非常普通!逐一点评下:团购【仅1元即可享受原价13元熊部落招牌休闲套餐!700CC仙丁珍宝奶茶+蓝莓雪御果/柠檬雪御果/榴莲雪御果/哈密瓜雪御果(4选1)!】呢个团购真系抵到烂啊!!!!!700CC仙丁珍宝奶茶——呢个好似系招牌奶茶来噶~700cc真系非常非常大杯!!可惜味道好淡, 饮唔到咩奶茶味, 就系粉同水兑出来嘅味道~~ 不过台湾正宗奶茶嘅味道的确就系咁样淡而无味!本人还是钟情港式奶茶嘅浓郁甘醇!雪御果——要咗一个蓝莓味同柠檬味!! 其实就系雪梅娘啦!不过就超级超级大! 唔同味道就系取决于层“皮”,就系用香精同色素“搓”成嘅!不过着色唔均匀~~ 里面除咗cream之外, 仲有一小块蛋糕仔! 层“皮”太软了, 蛋糕又太“鞋” ...最重要系总体感觉唔太新鲜!系未食饭嘅情况下, 都食唔晒!可见味道真系唔多好~~试食【500cc饮品 水蜜桃奶茶,水蜜桃绿茶,百香果绿茶,百香果沙冰,夏威夷奶茶5选2,甜果品 爱玉冻 招牌烧嫩草2选1】...夏威夷奶茶——好酸, 唔知系咩嘢味道嘅粉挤兑出来嘅~~ 一般般啦!百香果沙冰——好快就傛晒咯, 所以要趁冻食啊!! 不过都系果句味道一般般吧~~柠檬冰爱玉——其实我一直系想食个嫩仙草噶!!点知个店员用各种理由游说我改呢个爱玉!无办法啦~~ 之前去台湾都无食到, 咁就试下都无妨嘅~~ 呢个味道都唔错噶!有好重嘅柠檬汁,仲有黑糖冰!所以酸酸甜甜, 个店长话爱玉系一种植物, 经过加工, 整成啫喱状的, 非常清热解暑~~ 好啱大热天时食!总体感觉出品唔系好啱我口味, 但服务各方面都唔错,价钱唔贵, 有优惠嘅话可以试试嘅~~全文