哩个星期有一日谂住食兰州拉面,有个同事就话哩间嘢唔错,佢话啲饭分量唔少而且味道都唔错,我未去过嘅,咁咪去试下啰~哩间嘢又係喺三育路东山宾馆车场南入口附近嘅,揾係几好揾嘅,不过好奇怪,当时係食饭时间,竟然入面得3个人喺度食饭,或者嗰日我哋早嚟到啩...我点咗个番茄蛋炒饭,我同行嘅两个同事都嗌咗乜乜盖浇饭,唔记得嘞~因为冇乜人,所以上餐都几快,不过令我都唔係好踏实嘞...真係已经到食饭时间嘞,都唔係多人嘅...佢哋两个盖浇饭上得快啲,我个炒饭过多阵先,确实碟头唔细,分量几足下,我个炒饭成只碟咁大嘅,而且都几高下先,味道嘛,其实都算唔错啦,不过佢哩啲係大粒米,好似难消化啲,个炒饭好奇怪,开始我以为番茄係番茄粒呢,原哩唔係嘅,全部都係1/4个咁嘅,啲番茄,我都係钟意番茄粒多啲,不过9蚊鸡嘅饭已经算係咁啦,唔可以要求太多啦...到我哋走嘞,人都仲係唔多,同佢附近嗰啲确实有差距,感觉比较唔踏实,不过食都食咗嘞,好彩味道都算唔错,而且最尾都冇乜事啫...