「ming智之選」之廣東道至正餐廳。?總評?:集廣東菜式之大成,廣府、潮汕菜、順德菜、客家菜任君選擇。人氣旺,幸好可以提前系大眾點評app度取號排隊,去到就有位食啦。出品味道唔錯,而且選擇度超級豐富,短期內應該會再次幫襯。?位置?:區庄立交附近,環市東路上。?環境?:店鋪好大,而且裝修佈置充滿廣府特色,雀籠、蹚櫳、涼茶舖、蠔殼牆、電車~讓食客可以好好地感受一番嶺南文化,然後再細品廣東各式佳餚。?服務?:等侯區有爆谷同棉花糖免費食。某些服務員態度一般,語氣有D敷遣,要叫幾次先有人搭理。有Wi-Fi,不過唔太穩定。?出品?:有飯市同茶市之分,營業時間由早上8點到中午2點,下午5點到晚上10點。#卜卜白貝#,¥38。因為上菜噶時候白貝未完全熟,所以會配煤氣爐繼續煮。冇幾耐就聽到卜卜聲,白貝相繼開口啦,只要貝殼完全打開,就可以開餐啦。汁醬系用豆豉、辣椒、蒜頭、豉油調配,索左白貝鮮味,微辣鹹香。白貝好算厚肉,而且肉質鮮嫩彈牙,但當中有2-3粒白貝帶沙。#乾炒牛河#,¥26。炒河還算乾身,牛肉份量都幾足,雖然會有少少鞋,但勝在食落唔會有嫩肉粉醃製過噶粉漿味。河粉彈牙而且每條都好入味,鹹度適中,加入芽菜同韭菜,口感有層次。不過食完會口渴,懷疑有加味精之類。#嶺南一品酥#,26/半打。外層好酥脆鬆化,中間系番薯餡,綿軟香甜,好好味,推薦必試。?價錢?:普通茶位¥3/位,比較實惠。另外大眾點評有閃付優惠,性價比OK。