闺蜜发奖金劲高兴,提早订好位,指定要窗边望广州塔,请我美美的来个英式下午茶!闲时下午茶时间系两点到六点,周六日就分两轮,一点半到三点半,四点到六点,睇来好多人为个view慕名而来~我地约咗周日第一轮,未到一点已经收到酒店噶确认电话,去到差唔多一点半,直奔70楼,电梯上升过程中耳鸣咗两次啊~同前台验证咗预订信息就可以入座,个view确实唔错,可惜一坐低就同闺蜜一齐吐槽,玻璃好乌糟啊!望出去唔系透亮干净的感觉,减分!张凳好大好舒服,不过太重啦……而且有点旧,减分!我觉得空调唔够凉,可能习惯咗好多酒店都系冻死狗的冷气,呢度温度其实系舒适的,不过我地系下午一点几坐到三点几,窗边!!所以会觉得热咯……下午茶双人餐388,加服务费系446,有个三层糕点盘,咖啡同茶随便选2,闺蜜要咗夏日桃,我要咗薄荷茶,茶味都好香浓!点心味道都可以,不过不失咯,最好吃系酸奶!中层的朱古力司康都唔错,配蓝莓酱吃好赞,最难吃系杯羊奶芝士!西柚酱好香,但系都掩盖唔到羊奶的膻味!两个人其实吃到好饱都吃唔晒,最后仲打包走。服务一般啦,开头两三次要我地叫加水,后来先主动过来加,唔算贴心咯,而且冇人来收垃圾~