听友人提过好几次但一直都冇机会来尝试吓,店铺地处五月花三楼嘅一角,手扶梯上都比较容易揾得到,环境算比较安静(可惜后尾隔离台嘅小朋友太嘈吵破坏环境),适合情侣就餐,就台与台之间嘅距离比较窄,二人台亦比较小,绝对係一个套餐都放唔晒咁细,如果食得太慢张台其他食物就冇地方放了,可能因为咁所以都系碟大分量小呱!菜式方面我觉得#海陆大餐# 绝对适合有选择困难嘅人,红肉白肉都有搭配比较均衡,牛排要咗七成熟都唔会觉得好似好多地方嘅嚼烂布咁,肉心带D红但肉质几嫩口,如果口味偏淡嘅人可以考虑唔放晒D酱汁食,至于三文鱼排肉质比较鲜嫩,伴埋D沙拉酱一齐食可以冲淡头先食牛排嘅重口味,感觉清新,很赞;#象拔蚌海鲜浓汤#其实味道唔错嘅,不过象拔蚌丝寥寥可数,汤亦分量好小,而且我实在唔中意装汤嘅器皿,好似个UFO咁太占地方了;# 马德里薄切生牛肉沙拉#比我想象中好食,係MENU里头就卖相诱人,切得薄薄嘅生牛肉铺係生菜丝上面,感觉相当嫩口,而且肉质鲜美,绝对意料之外嘅赞;#苹果冻饮# 从外表睇起来真係好似啤酒,不过饮落感觉好特别,原来係苹果果冻,饮起身好有口感;#薰衣草冰桔汁# 饮起身好清甜,食完牛排之后饮感觉会辟咗D腻嘅味道,值得一试!另外每一张台都有芝麻奶油面包附送,就埋D汤一齐食係个唔错嘅选择!服务方面,我觉得每个服务员都睇得出训练有素,不论男女都系笑容满面、彬彬有礼,令客人感觉好舒服,对顾客嘅要求都尽量满足,从礼貌上可以睇出餐厅嘅用心,毕竟一个良好嘅服务态度可以代表餐厅嘅总体质素甚至出品!